როსტომ ლორთქიფანიძე
როსტომ ლორთქიფანიძე (დ. 16 დეკემბერი, 1943, თბილისი — გ. 10 ნოემბერი, 2023) — საქართველოს მართლმადიდებელი ეკლესიის მღვდელმსახური დეკანოზის ხარისხში, საქართველოს რესპუბლიკის უზენაესი საბჭოს პირველი მოწვევის დეპუტატი. სწავლობდა შოთა რუსთაველის სახელობის თეატრალური ინსტიტუტის სამსახიობო ფაკულტეტზე (გ. სარჩიმელიძის და ა. მიხელაძის სახელოსნო) 1960-1964წწ. და დაამთავრა ამავე ინსტიტუტის კინოფაკულტეტი (ლ. ღოღობერიძის სახელოსნო) 1979 წელს. 1964-1973წწ. მუშაობდა "ქართულ ფილმში რეჟისორის ასისტენტად. ხელმძღვანელობდა ხალხური შემოქმედების სახლის თეატრისა და კინოს განყოფილებას. გადაიღო მხატვრული ფილმები: "ფაცურა" (1976) და "ლილე" (1985). როგორც მსახიობი მონაწილეობდა ფილმებში: "ექსპედიცია" (ზ. მექვაბიშვილი, 1983), "ბეღურების გადაფრენა" (თ. ბაბლუანი, 1980). 1979 წლიდან იყო საქართველოს კათოლიკოს-პატრიარქის ილია II-ის პირადი რეფერენტი. 1981 წლიდან -თბილისის წმინდა სამების ეკლესიის დეკანოზია (როსტომი); 1990-1991წწ. საქართველოს რესპუბლიკის პირველი მოწვევის პარლამენტის წევრი: არჩეული საქართველოს კომუნისტური პარტიის სიით. ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).
- ცნობილია: Acting
- დაბადების დღე: 1943-12-16
- დაბადების ადგილი: Tbilisi, Georgian SSR, USSR [now Georgia]
- ასევე ცნობილია: Rostom Lortqipanidze, Rostom Lortqifanidze, Rostom Lortkifanidze
